Time jýrnalynyń saýalnamasy boıynsha Jyl adamy anyqtaldy
ASTANA. QazAqparat - Time jýrnalynyń saýalnamasy boıynsha Úndistan Premer-Mınıstri Narendra Modı Jyl adamy atandy.
Modı 18% daýys jınap, saýalnamaǵa qatysqandardyń 7% 2016 jyldyń eń bedeldi tulǵalary dep eseptegen AQSh Prezıdenti Barak Obamany, AQSh-tyń jaqynda saılanǵan Prezıdenti Donald Trampty jáne WikiLeaks basshysy Djýlıan Assanjdy basyp ozdy. Úndistan Úkimetiniń basshysy Facebook-tyń negizin qalaǵan Mark Tsýkerberg (2%) pen AQSh-tyń burynǵy birinshi hanymy Hılları Klıntonnyń (4%) da aldyna shyqty, dep habarlaıdy TASS.
Time jýrnalynyń deregine sáıkes, álemniń eń bedeldi tulǵalarynyń reıtıngi 7 qarasha kúni belgili bolady jáne ony jýrnaldyń redaktorlary sheshedi. Alaıda, oqyrmandar pikiri «qazirgi álemniń sıpatyn» kórsetedi, dep esepteıdi sarapshylar.
«Ózekti saıasat ortalyǵynyń» (Pew Centre) deregi boıynsha, sońǵy ýaqytta Modıdiń Úndistandaǵy reıtıngi aıtarlyqtaı joǵary bolǵan. Bundaı kórsetkishke Klımat boıynsha Parıj kelisimin bekitý áser etken.
