«Time» jýrnalynyń oqyrmandary Djýlıan Assanjdy "Jyl adamy" dep atady
ASTANA. 15 jeltoqsan. QazAqparat - WikiLeaks ınternet-qorynyń negizin salýshy Djýlıan Assandj amerıkandyq «Time» jýrnaly oqyrmandarynyń tańdaýy boıynsha «Jyl adamy» dep tanyldy.
Daý-damaıly jobany usynǵan avstralııalyq haker Time-de jyl saıynǵy onlaın-daýys berý qorytyndysy boıynsha 382 myńnan astam daýys jınap, daýys berýdiń «kúmis» júldegeri - Túrkııa Premer-mınıstri Redjep Taııp Erdoǵandy basyp ozdy, dep habarlaıdy RBK jýrnaldyń resmı saıtyna silteme jasap.
«Time» jýrnaly óziniń «Jyl adamyn» búgin ataıdy. Bul jyly mártebeli marapattan Djýlıan Assandj, jer astynan 70 kúnnen keıin qutqarylǵan Chılı shahterleri, ataqty Apple-niń negizin salýshy Stıv Djobs, Aýǵanstan prezıdenti Hamıd Karzaı, Facebook-ti qurǵan Mark Tsýkerberg, sondaı-aq AQSh-tyń "Chaınaıa partııa" (Tea Party) saıası qozǵalysy úmitker bolyp otyr.
