Tımbalend, Nıkol, Basta: Mamyr aıynda Qazaqstanǵa taǵy bir top álemdik juldyz keledi

ASTANA. KAZINFORM – Qazaqstan sheteldik týrısterdi elge tartý úshin álemdik juldyzdardyń kontsertin uıymdastyrý saıasatyn bıyl da jalǵastyrmaq. Bul týraly «Kazakh Tourism» ulttyq kompanııasy» aktsıonerlik qoǵamynyń basqarma tóraǵasy Talǵat Ǵazızov Úkimet otyrysynda aıtty.

- Bıyl álemdik juldyzdardyń qatysýymen birqatar iri kontserttik is-sharalar ótkizý josparlanyp otyr. Alǵashqy kontsertke Tımbarlend, Nıkol Sherzınger, Basta Raıms jáne basqa da ártister qatysady.Ol mamyr aıyna belgilengen. Jalpy jyl sońyna deıin keminde 5 iri kontserttik shara ótedi, - dedi ol.

Kazakh Tourism basshysy festıvaldik týrızm baǵytyna arnalǵan shtab qurylǵanyn aıtady.

- Shtab is-sharalardy týrıstik paket retinde usynýmen aınalysady. Sonymen qatar kórshiles elderdegi medıaseriktestermen jáne týroperatorlarmen birlesip, Qazaqstanǵa týrıst tartý jumysy júrgiziledi, - dedi Talǵat Ǵazızov.

Al Premer-mınıstr Oljas Bektenov «Kazakh Tourism» basshysyna laýazymyna laıyq ekenin dáleldeý úshin nátıje kórsetý kerektigin eskertti.