Tımatıdiń tuńǵysh balasy dúnıege keldi
ASTANA. QazAqparat - Tımatı men onyń súıiktisi Alena Shıshkovanyń otbasynda úlken qýanysh bolyp jatyr. Ánshiniń tuńysh balasy dúnıege keldi. Qýanyshymen bólisýge asyqqan ol jańa týǵan qyzynyń sýretin birden Іnstagram-ǵa salypty.
Salmaǵy 4 keli, boıy 53 sm-lik qyz bala Domınıkan Respýblıkasynyń Santo-Domıngo klınıkasynyń birinde týdy. Qyzdyń anasy - 21 jasar reseılik sánbıke. Ol júkti kezinde ýaqytynyń kóbin Tımatıdiń anasynyń janynda ótkizipti. Áke ataný baqytyn alǵash sezingen Tımatı bosaný kezinde palatada súıiktisiniń qasynda bolǵan. Qyzy ińgáláp jaryq dúnıege kelgende Tımatı qýanyshtan jylap jiberipti. Qazir anasy men qyzynyń jaǵdaıy jaqsy, jan-jaqtan quttyqtaýlar qabyldaýda. Tımatı qyzyna Alısa dep at qoıdy, dep jazady utro.ru. Tımatı (shyn aty Tımýr ıÝnýsov) -reseılik reper. Ánshi retinde «Juldyzdar fabrıkasy -4» jobasyna qatysqannan keıin tanyla bastady. Qazir mýzykant álemge áıgili Snoop Dogg, Basta Raıms, Dıddı Xzibit, Fat Joe, Iv, Kreıg Devıd ıjáne Tımbalend syndy oryndaýshylarmen birge jumys istep, birneshe ánderi men beınebaıandaryn atalǵan juldyzdarmen birge jasaǵan.
