Tım Kýk Apple kompanııasynyń bas dırektory qyzmetinen ketýi múmkin
ASTANA. KAZINFORM — Apple kompanııasynyń bas dırektory Tım Kýk 2026 jyldyń basynda qyzmetinen ketýi múmkin. Onyń yqtımal murageri - kompanııanyń qurylǵylarǵa arnalǵan apparattyq quraldar jónindegi aǵa vıtse-prezıdenti Djon Ternýs. Bul týraly Financial Times habarlady.
Bloomberg Apple kompanııasynda basshylyqty aýystyrýdyń úlken protsesi bastalǵanyn jáne Ternýstyń Tım Kýktyń ornyna kandıdat retinde qarastyrylyp jatqanyn habarlady.
Habarǵa sáıkes, Apple kompanııasy basshylyqty aýystyrý josparyn jedeldetip jatyr, óıtkeni Tım Kýk kelesi jyly bas dırektor qyzmetinen ketedi. Dırektorlar keńesi men joǵary basshylyq Kýktyń 14 jyldan astam ýaqyt basqarǵannan keıin, kompanııanyń quny tórt trıllıon dollardy quraıtyn ýaqytta «bılikti» tapsyrýyna belsendi túrde daıyndalyp jatyr. Djon Ternýs eń yqtımal murager retinde qarastyrylady, biraq áli túpkilikti sheshim qabyldanǵan joq.
Derekkózderdiń málimetinshe, kópten josparlanǵan basshylyqtyń aýysýy kompanııanyń qazirgi jumysymen baılanysty emes. Sondaı-aq Apple kompanııasy qańtar aıynyń sońyna deıin jańa bas dırektordy taǵaıyndaýy ekitalaı ekeni atap ótildi.
1976 jyly qurylǵan Apple kompanııasy derbes jáne planshettik kompıýterler, smartfondar, aqyldy saǵattar jáne baǵdarlamalyq jasaqtama óndirýmen aınalysady.
Eske sala keteıik, Apple Qytaıdaǵy ınvestıtsııa kólemin ulǵaıtpaqshy.