Tilsiz jaý úlkenderdi de, balalardy da aıamady - QR TJM
ASTANA. 6 qańtar. QazAqparat - Almaty oblysynyń Malovodnoe aýylynda ótken túnde úshpáterlik turǵyn úıde órt shyqty, dep habarlady QR TJM.
Jalyn órt sóndirýshiler kelgenshe aýyzdyqtaldy. Órt bolǵan jerge QR TJM Almaty oblysy TJD órt sóndirý qyzmetiniń 4 adamnan quralǵan jeke quramy jáne 1 birlik tehnıka keldi. Órt bolǵan jerden 72 jastaǵy er adamnyń múrdesi tabyldy.
Sondaı-aq Pavlodar oblysynyń Jelezınka kentinde 4 qańtarda turǵyn úıdiń 90 sharshymetr aýdanyn órt sharpyp, tóbesi opyryldy. Órt 5 qańtarda túske qaraı tolyq sóndirildi. Ony aýyzdyqtaýǵa QR TJM Pavlodar oblysy TJD órt sóndirý qyzmetiniń 15 adamy men 3 birlik tehnıkasy jumyldyryldy. Órt bolǵan jerden 73 jastaǵy qarııa men úsh jasar balanyń múrdesi tabyldy.
Jambyl oblysynyń Lýgovaıa aýylynda keshe keshte ekipáterlik turǵyn úıde órt boldy. Jalyn búgin tún ortasynan aýǵanda sóndirildi. Ony aýyzdyqtaýǵa QR TJM Jambyl oblysy TJD órt sóndirý qyzmetiniń 6 adamy men bir tehnıkasy jumyldyryldy. Órt saldarynan ıiske ýlanǵan 41 jastaǵy er adam aýrýhanaǵa jetkizildi.
