Tilsiz jaý taǵy 4 adamnyń ómirin jalmady
ASTANA. QazAqparat - Qazaqstannyń birqatar óńirinde ótken táýlikte turǵyn úılerdiń otqa oranýynan taǵy birneshe adam ajal qushty, dep habarlandy QR TJM-niń aqparattyq portalynda.
Pavlodar oblysy Jelezın kentinde jekemenshik úıden ot shyǵyp, 54 jastaǵy er adam oqıǵa ornynda jan tapsyrdy. Órt 53 sharshy metr aýmaqqa sharpydy. Qostanaı oblysyndaǵy Toǵuzaq kentinde tilsiz jaýdan 67 jastaǵy zeınetker qaza boldy. Qyzyl jalyn 15 sharshy metrge jaıyldy. Petropavlda jekemenshik úı órtenip, 61 jastaǵy azamat gaz ıisinnen ýlanyp, aýrýhanada kóz jumdy. Almaty oblysy Tekeli qalasyndaǵy qoımanyń birinde órshigen órtten 71 jastaǵy kúzetshi qaıtys boldy.
