Tilsiz jaý saldarynan 5 adam qaza boldy, olardyń arasynda zeınetkerler bar - QR TJM
ASTANA. 24 naýryz. QazAqparat - Tilsiz jaý saldarynan 5 adam qaza boldy, olardyń arasynda zeınetkerler de bar, dep habarlaıdy QR TJM baspasóz qyzmeti.
Senbi kúni, 23 naýryzda Shahtınsk qala tóńiregindegi Shahan kentinde jeke jer úıde órt boldy. Jalyn 5 sharshy metr aýmaqty sharpydy. Qaıǵyly oqıǵa ornynan zeınetkerlerdiń deneleri tabyldy, onyń biri 1938 jyly týylǵan er adam jáne ekinshisi 77 jastaǵy keıýana.
TJ-ny joıýǵa QR TJM Qaraǵandy oblysynyń TJD jeke quramynyń 14 qyzmetkeri jáne órt sóndirý qyzmetiniń 3 birlik tehnıkasy qatystyryldy.
Sol kúni Shyǵys Qazaqstan oblysynyń Zyrıan qalasynda Koshevaıa kóshesi, 2-úı mekenjaıynda jeke turǵyn úı órtke ushyrady. Órt 10 sharshy metr aýmaqty sharpydy. Oqıǵa ornynan úsh adamnyń denesi tabyldy, olar - 1949 jylǵy 70 jastaǵy qart adam, 1949 jylǵy jáne taǵy bir belgisiz er adam.
Órtti joıýǵa QR TJM Shyǵys Qazaqstan oblysynyń TJD jeke quramynyń 8 qyzmetkeri jáne órt sóndirý qyzmetiniń 2 birlik tehnıkasy qatystyryldy.
Shymkentte Aıqap shaǵynaýdanyndaǵy jeke úıdiń aýmaǵynda bólek turǵan sharýashylyq qurylysynda órt boldy. Órt sharpyǵan alań 12 sharshy metrdi qurady. Oqıǵa ornynan 65 jastaǵy er adam termııalyq kúıiktermen aýrýhanaǵa jóneltildi.
Órtti joıýǵa QR TJM Ońtústik Qazaqstan oblysynyń TJD jeke quramynyń 8 qyzmetkeri jáne órt sóndirý qyzmetiniń 2 birlik tehnıkasy qatystyryldy.
