Tilsiz jaý 10 adamnyń ómirin jalmap, 37 mln teńgeden astam shyǵyn keltirdi - Qyzylorda

QYZYLORDA.QazAqpart - 2016 jyly Qyzylorda oblysynda 511 órt oqıǵasy oryn aldy. Bul 2015 jylmen salystyrǵanda 7,6 paıyzǵa kóp, dep habarlady QazAqparat HAA tilshisi.

Óńirlik kommýnıkatsııalar qyzmetinde ótken baspasóz máslıhatynda TJD basshysynyń mindetin atqarýshy S.Moldaqaraevtyń málim etkenindeı, tilsiz jaýdyń kesirinen 10 adam qaza bolyp (3-eýi balalar), taǵy 20-sy túrli jaraqattar alǵan. Keltirilgen materıaldyq shyǵyn 37 mln 249 myń teńgeni qurady.

«Oblys aýmaǵynda 703 tabıǵı jáne tehnogendik sıpattaǵy tótenshe jaǵdaı men oqıǵa tirkelgen.  Órt qaýipsizdigi talaptaryn buzǵan 766  jeke jáne zańdy tulǵaǵa qatysty ákimshilik is qozǵalyp, 22 mln. teńgeden astam aıyppul salyndy», - dedi S.Moldaqaraev.