Tilshiler adamdy qutqarý synaǵynan ótti: QR TJM saıysynda «QazAqparat» júldeli boldy

NUR-SULTAN. QazAqparat - Elordada BAQ ókilderine tótenshe jaǵdaı kezinde áreket etý synaǵy uıymdastyryldy, dep habarlaıdy QazAqparat tilshisi.

QR Tótenshe jaǵdaılar mınıstrligi Buqaralyq aqparat quraldary qyzmetkerleri kúnine oraı jýrnalıster arasynda jarys ótkizdi.

Saıysqa 7 komanda qatysty. Olardyń qatarynda «Qazaqstan» ulttyq arnasy, «Eýrazııa-1 arnasy», «3»1, «KTK», «Atameken business» telearnalary jáne «QazAqparat» Halyqaralyq agenttigi men «Tengrinews» saıty komandalary bar.

Synaq 7 kezeńnen turdy. Onyń ishinde tótenshe jaǵdaıda adam ómirin qutqarý, jyldamdyq pen shuǵyl sheshim qabyldaý, órt alańynan adamdy aman alyp shyǵý, órtti sóndirý, sanaýly ýaqyt ishinde túrli kedergilerden ótý jáne taǵy basqa.

Atalǵan sharany Tótenshe jaǵdaılar mınıstri ıÝrıı Ilın BAQ ókilderin kásibı merekesimen quttyqtaýdan bastady.

Saıys bastalmas buryn onyń erejesi túsindirilip, qatysýshylarǵa arnaıy kıim men qajetti qural-jabdyqtar berildi.

Bastysy jyldamdyq pen shıraqtylyqty jáne komandamen jumys isteýdi talap etetin jarysta úzdik degen komandalar anyqtaldy.

Jýrnalısterdiń tótenshe jaǵdaıda jumys isteı bilý qabiletin sala mamandary qadaǵalap, baǵalady.

Jarys nátıjesinde «Atameken business» telearnasynyń quramasy 1-oryn ıelense, «QazAqparat» Halyqaralyq aqparat agenttiginiń jýrnalısteri 2-orynǵa taban tiredi. Júldeli 3-oryn «Eýrazııa-1» telearnasyna buıyrdy.

Shara sońynda barlyq qatysýshylar marattalyp, estelik syılyqtar tapsyryldy.

Aıta keteıik, atalǵan shara Nur-Sultan qalalyq mamandandyrylǵan órt sóndirý beketinde ótti.