«Tilge tirek bola almaǵan festıval qazaq mártebesin asqaqtata ala ma?» - respýblıkalyq basylymdarǵa sholý
***
«Egemen Qazaqstan» basylymy búgingi sanynda «Parlamentaralyq baılanys - memleketaralyq qatynastyń mańyzdy quramdasy» degen taqyryppen maqala basty. Maqalaǵa Senat tóraǵasy Qaırat Mámıdiń elimizge resmı saparmen kelgen Qytaı Halyq Respýblıkasy Halyq ókilderi búkilqytaılyq jınalysy Turaqty komıtetiniń Tóraǵasy Ý Bangomen bolǵan kezdesýde kóterilgen máseleler arqaý bolǵan.Q. Mámı kezdesý barysynda eki el zań shyǵarýshy organdary arasyndaǵy yntymaqtastyqty nyǵaıtý maqsatynda delegatsııalar almasý týraly ýaǵdalastyqqa qol jetkizilgendigin aıtady. Sondaı-aq eki el arasyndaǵy taýar aınalymyn 2015 jylǵa qaraı 40 mlrd. dollarǵa jetkizý kózdelýde
Sondaı-aq atalmysh basylymnyń jazýynsha, Qazaqstan Respýblıkasynyń Parlamentine Teris pıǵyldy dinı aǵymdardyń qyzmetinen zardap shekkenderge kómek kórsetý ortalyqtarynyń qaýymdastyǵynan hat keldi. Onda hat ıeleriniń ózderiniń adam balasynyń jeke ómiri men densaýlyǵyna qasaqana qaýip tóndirip otyrǵan, memleket, otbasy, qoǵam ómiriniń turaqtylyǵyn shaıqaltqan, jastar sanasyn ýlap, qatigezdikke úgitteý arqyly qylmysqa, tipti ózine-ózi qol jumsaýǵa ıtermelep otyrǵan tepic pıǵyldy dinı aǵymdardyń emin-erkin júrgizip jatqan ic-áreketine qatty alańdaýly ekendigi aıtylǵan. Hatta kóterilgen máseleler jóninde «Búgin qımyldamasaq, erteń kesh bolady» degen maqaladan bilýge bolady.
***
«Aıqyn» basylymynyń jazýynsha, Qazaqstan TMD memleketteri ishinde oba oshaqtarynyń sany men kólemi jóninen birinshi orynda tur. Osy memleketterdegi oba oshaqtarynyń 51,1 paıyzy Qazaqstannyń úlesinde. Keingi oryndardy Túrikmenstan (20,9) men Ózbekstan (16,8) ıelengen. Jaǵdaıdyń bulaısha sıpat alýyna ne sebep bolyp otyr?. Ol jaıynda «Oba oshaqtary orasan kóp» atty maqaladan bilýge bolady.
Sondaı-aq osy basylym «Tilge tirek bola almaǵan festıval qazaq mártebesin asqaqtata ala ma?» degen maqala jarııalap, VII Halyqaralyq Eýrazııa kınofestıvali jónindegi oı-pikrlerimen bólisedi. Basylymnyń jazýynsha, festıval kóbine orys tilinde júrgizilip, qazaq tili ekinshi de emes, úshinshi orynǵa ysyryldy. Uıymdastyrýshylar bizdiń qazaqshamyzǵa qaqpaq qoıyp, orys tilinde oraǵytty. «Sóıtip, bul festıvaldiń kúnderin tildi burap tirshilik etýmen ótkizdik»,-dep jazady basylym.
***
«Alash aınasy» basylymy búgingi sanynda «Aýrýdyń bári aýyzdan kiredi» atty maqala jarııalyp, úlken másele kóterdi. Basylymnyń jazýynsha, dári-dirmekterdiń arasynda kúmándileri paıda bola bastady. Bul - farmatsevtıka óndirisiniń el ekonomıkasyna qomaqty tabys ákeletinine kózi jetkenderdiń qunyǵyp ketýi saldarynan. «Jalpy, dúnıejúzi boıynsha aıtsaq, dári-dármek saýdasy kúshti qarqyn alý kezeńiniń ústinde. Farmındýstrııasynyń álemdik aınalymy 2007 jyly 712 mıllıard dollardy qurasa, sóz bolyp otyrǵan taýar aınalymy 2010 jyly 950 mıllıardqa jetken. Bizdegi jaǵdaı da - osy. 2002 jyly bul kórsetkish 120-150 mıllıon dollarǵa jetip jyǵylsa, odan keıingi kezeńdi aıtsaq, ıaǵnı 2007 jyly 900 mıllıonǵa jýyqtaǵan»,-dep jazady basylym.
Sondaı-aq atalmysh basylymnyń jazýynsha, Táýelsizdiktiń 20 jyldyǵy qarsańynda Qazaq televızııasynyń jańalyǵy kóp. Bıyl «Balapan» telearnasynyń ashylǵanyna bir jyl tolyp, «Qazaqstan» telearnasy tolyǵymen memlekettik tilge kóshti. Endi ulttyq jáne álemdik ónerdiń jyrshysy bolatyn «Mádenıet» telearnasy iske qosyldy. «Qazaqstan» respýblıkalyq teleradıo korporatsııasynyń uıytqy bolýymen ashylyp jatqan «Mádenıet» telearnasy 80 paıyz qazaq tilinde jáne 20 paıyz ózge tilde habar taratatyn bolady. Maqala «Mádenıet» arnasy ashyldy» degen taqyryppen berilgen.
***
«Kazahstanskaıa pravda» basylymynyń jazýynsha, elimizde jyl basynan beri ónerkásip ónimderi 6 paıyzǵa artqan. Alǵashqy jartyjyldyqta 70-ten astam jańa óndirister ashylǵan. 160 myń adam jumyspen qamtylyp, jyl sońyna deıin respýblıkada quny 600 mıllıard teńgeni quraıtyn 129 joba iske qosylady. Keshe Memleket basshysynyń qabyldaýynda bolyp, elimizdiń ekonomıkalyq jetistikteri men Údemeli ındýstrııalyq-ınnovatsııalyq baǵdarlamasynyń júzege asyrylýy jóninde esep bergen Úkimet basshysy Kárim Másimov osyndaı málimetterdi keltirdi. Bul baǵyttaǵy jumystardyń qalaı júrgizilip jatqandyǵyn «Kazahstanskaıa pravda» basylymynyń betinda jaryq kórgen «Vysokaıa dınamıka razvıtııa» atty maqaladan bilýge bolady.
