Tilge qatysty depýtattyq saýalym áleýmettik jelide taralǵanda burmalanǵan - Qazybek Isa
«Bul másele depýtattyq saýaldan keıin úsh kúnnen soń áleýmettik jelide keńinen talqylanyp ketti. Birshama burmalanyp ketken. Sol kezde jaýap berip, túsindirip jazǵan edim . Atap aıtqanda, ol Parlamentte daýysqa túsken eshqandaı zań emes, ıaǵnı «Aq jol» fraktsııasynyń (27 sáýirdegi) depýtattyq saýalyn jarııalaǵan edim. Saýal jarııalaǵanda barlyǵy meni qoldap, depýtattar óz qalaýymen qosyldy. Qosylǵandardyń tizimi depýtattyq saýaldyń sońynda jazylǵan», - dedi Q. Isa Májilistiń jalpy otyrysynan keıin tilshiler saýalyna jaýap berip.
Óz kezeginde depýtat Azat Perýashev Májiliste ózekti taqyryp boıynsha depýtattyq saýal jarııalanǵan kezde, kez kelgen depýtat eshbir shekteýsiz saýaldy qoldaı alatynyn eske salǵan.
«Qoǵamda saýaldy qoldaǵan depýtattardy jaqtap, qoldamaǵandardy synǵa ala bastady. Negizi, basqa fraktsııa depýtattarynyń saýalyn qoldaýǵa eshkim mindetti emes. Oǵan qaramastan, basqa fraktsııalardaǵy keıbir áriptesterimiz óziniń azamattyq ustanymyn kórsetip, bul saýalymyzdy qoldaǵanyna alǵys aıtamyz», - dedi A. Perýashev.
