«Tilek shyrshasy» qaıyrymdylyq aktsııasy aıasynda 27 bala syılyqqa ıe boldy
ALMATY. 14 qańtar. QazAqparat- /Ádilet Musahaev/ - Búgin Almatydaǵy estý qabileti buzylǵan balalarǵa arnalǵan №1 arnaıy mektep-ınternatyndaǵy oqýshylarǵa «Tilek shyrshasy» aktsııasy aıasynda syılyqtar tabystaldy.
Kópten kútken jańa jyldyq syılyqtar mektepaldy daıarlyq bólimi men 1-synypta oqıtyn eń kishkentaı 27 tárbıelenýshige berildi. Al 2-7-synyp oqýshylary «Quattro Media» agenttigine tıesili buıymdarǵa ıe boldy.
Jańa jyldyq «Tilek shyrshasy» qaıyrymdylyq aktsııasy osymen ekinshi jyl «Komanda SOS» erikti úılestirýshiler ortalyǵy men «Spýtnık» saýda-sattyq ortalyǵynyń uıymdastyrýymen jáne alǵashqy qazaqstandyq www.voxpopuli.kz fotoreportaj saıtynyń qoldaýymen ótip otyr.
«Sharanyń maqsaty - ınternat, balalar úıi tárbıelenýshilerin jáne jaǵdaıy tómen otbasy balalaryn jańa jyldyq syılyqtarmen qamtamasyz etý», -deıdi jobanyń úılestirýshisi Álııa Saǵynǵalıeva.
