Tildiń arqasynda bireýler óz atyn shyǵarǵysy keledi - Tilder komıtetiniń tóraǵasy M. Sqaqov
ASTANA. 4 aqpan. QazAqparat - Búginde memlekettik tildi meńgerý ádistemelerin ázirlegen kezde, bireýler óz atyn shyǵarǵysy keledi.
QR Mádenıet jáne aqparat mınıstrligi Tilder komıtetiniń tóraǵasy Maqsat Sqaqov osylaı aıtty.
«Táýelsizdik alǵaly beri sansyz oqý quraldary jaryqqa shyqty. Ony bári biledi. Árkim tildi úıretkisi keledi, oqytqysy keledi. Sonyń arqasynda bireýler óz atyn da shyǵarǵysy keledi. Negizi, memlekettik tildi úıretý bul - óte mańyzdy másele. Memleket bolý úshin jer kerek. Al ult bolý úshin til kerek», - dedi M.Sqaqov.
Komıtet tóraǵasy atap kórsetkendeı, aǵymdaǵy jyly memlekettik tildi meńgerýdiń eki ádistemesin ázirleý kózdelgen. Oǵan 12,5 mln. teńge qarastyrylyp otyr.
