Tildik pánder men ádebıettiń oqý baǵdarlamalaryn qaıta qaraý kerek - Toqaev

NUR-SULTAN. QazAqparat - Oqý mádenıetin arttyrý máselesin keshendi túrde sheshý úshin tildik pánder men ádebıettiń oqý baǵdarlamalaryn qaıta qaraý kerek. Bul týraly Ulttyq qoǵamdyq senim keńesiniń 4-otyrysynda Memleket basshysy Qasym-Jomart Toqaev aıtty, dep habarlaıdy QazAqparat tilshisi.

«Taǵy bir mańyzdy mindet - mektep kitaphanalarynyń kitap qoryn jańalaý jáne tolyqtyrý. Qazir bul kitaphanalardyń qory eskirgen ári jutań. Ásirese, kórkem týyndylar men tartymdy ádebıetter tapshy. Qazaq tilindegi tıisti ádebıetter óte az nemese múldem joq», - dedi Memleket basshysy.

Qazaqstan Prezıdentiniń atap ótýinshe, oqýshylardyń álem ádebıeti klassıkteriniń shyǵarmalaryna qoly jete bermeıdi.

«Sonymen qatar, oqý mádenıetin arttyrý máselesin keshendi túrde sheshý úshin tildik pánder men ádebıettiń oqý baǵdarlamalaryn qaıta qaraý kerek. Bilim jáne ǵylym mınıstrligine osy máselelermen muqııat aınalysýdy jáne naqty usynystar engizýdi tapsyramyn»,- dedi Qasym-Jomart Toqaev.