«Tildik ortany qalyptastyrý máseleleri» atty jınaq jaryq kórdi
«Tildik ortany qalyptastyrý máseleleri» atty jınaqqa belgili ǵalymdardyń, til mamandarynyń, jýrnalısterdiń, depýtattardyń, qoǵam qaıratkerleriniń memlekettik tildi nasıhattaý jáne damytýǵa baılanysty maqalalary men oı-pikirleri, keleli usynystary toptastyrylǵan.
«Baq jáne memlekettik til», «Memlekettik til: keshe, búgin, erteń», «Memlekettik tildi jetildirýge baılanysty usynystar» atty bólimder boıynsha suryptap berilgen materıaldardyń tanymdyq, taǵylymdyq, taldamalyq. jańashyldyq sıpaty basym.
Avtorlar qatarynda «Memlekettik til» qozǵalysy tóraǵasynyń orynbasary Asyly Osman, Qazaqstan Respýblıkasy Parlamentiniń depýtaty Orazkúl Asanǵazy, fılologııa ǵylymdarynyń doktory Namazaly Omashov, L.N. Gýmılev atyndaǵy Eýrazııa ulttyq ýnıversıteti Jýrnalıstıka jáne saıasattaný fakýltetiniń dekany Qaırat Saq, B.Bulqyshev atyndaǵy syılyqtyń laýreaty, jýrnalıst Nurlan Qalqa, fılologııa ǵylymdarynyń doktory Dandaı Ysqaq, tarıh ǵylymdarynyń doktory Danagúl Mahat jáne basqalar bar.