Tildi oqytýdyń keńestik júıesinen bas tartý qajet - ǵalym K.Qonaqova

ASTANA. 16 mamyr. QazAqparat - Búgin Astanadaǵy Qazaq ulttyq óner ýnıversıtetinde bastalǵan QR Fılologtarynyń I sezinde Abylaıhan atyndaǵy Halyqaralyq qatynastar jáne álemdik tilder ýnıversıtetiniń monıtorıng jáne ishki aýdıt bóliminiń basshysy Klara Qonaqova tildi oqytýdyń keńestik júıesinen bas tartýdy usyndy.

«Shyny kerek, búginde biz til úıretýdiń buryńǵy júıesine júginip, soǵan qaıta oralyp otyrmyz. Odan, kerisinshe, bas tartý qajet. Bizdiń zertteýimizge sáıkes, bizdiń tildik bilim berý salamyz áli kúnge deıin keńestik júıeniń dástúrlerin saqtap keledi. Onyń bir artyqshylyǵy - adam tildi fýndamentaldy túrde, ıaǵnı tereńdeı zerttep oqıdy. Degenmen, bunyń ózi - kemshilik. Sebebi teorııa tym kóp beriledi. Sonyń saldarynan tildi oqytýdyń naqty formasy bolmaı qalady», - deıdi K.Qonaqova.