«Tilderdiń úshtuǵyrlyǵy» mádenı jobasynyń aıasynda «Tildaryn-2009» respýblıkalyq olımpıadasy ótedi
ASTANA. Qarashanyń 5-i. QazAqparat. Qazaqstan Respýblıkasy Mádenıet jáne aqparat mınıstrliginiń Til komıteti ústimizdegi jyldyń 6-7 qarasha aralyǵynda «Tilderdiń úshtuǵyrlyǵy» mádenı jobasynyń aıasynda «Tildaryn-2009» respýblıkalyq olımpıadasyn ótkizedi,
dep habarlaıdy mınıstrliktiń baspasóz qyzmeti.
Sharanyń negizgi maqsaty: úsh tildi - qazaq, orys jáne aǵylshyn tilderin jetik meńgergen qabiletti jastardy anyqtaý jáne qoldaý, tildik qarym-qatynas mádenıetin qalyptastyryp, kóp tildi meńgergen tulǵany tárbıeleý, qazaqstandyq patrıotızmdi nyǵaıtý, ózge halyqtardyń mádenıeti men tilin qurmetteý.
Baıqaýǵa elimizdiń barlyq oblystary jáne Astana men Almaty qalalarynan oblystyq, qalalyq deńgeıde ótkizilgen baıqaýlardyń jeńimpazdary qatysyp, óz ónerlerin ortaǵa salady.
Talapkerlerdiń ónerin quramynda Qazaq gýmanıtarlyq zań ýnıversıteti jalpy til bilimi jáne aýdarma isi kafedrasynyń meńgerýshisi, fılologııa ǵylymdarynyń doktory, professor Jumaǵalı Ábý, qazylar alqasynyń tóraǵasy, L.N. Gýmılev atyndaǵy Eýrazııa ulttyq ýnıversıteti jalpy til bilimi jáne aýdarma teorııasy kafedrasynyń meńgerýshisi, fılologııa ǵylymdarynyń doktory, professor Serikgúl Sátenova, Qazaq gýmanıtarlyq zań ýnıversıteti jalpy til bilimi jáne aýdarma isi kafedrasynyń aǵa oqytýshysy Aınur Baekeeva, L.N. Gýmılev atyndaǵy Eýrazııa ulttyq ýnıversıteti shet tilderi kafedrasynyń aǵa oqytýshysy Aınagúl Muhtarhanova, Qazaqstan Respýblıkasy Syrtqy ister mınıstrligi Jalpyazııalyq yntymaqtastyq departamenti dırektorynyń orynbasary Rýslan Ahmet syndy qazylar alqasy baǵalaıdy.
Baıqaý jeńimpazdary dıplomdarmen, alǵys hattarmen jáne basqa da syılyqtarmen marapattalady.
