Tilderdi oqytý sapasyn arttyrý máselelerine arnalǵan respýblıkalyq keńes ótti

dep habarlaıdy QazAqparat tilshisi.

Keńestiń negizgi maqsaty - jalpy orta bilim berý salasyndaǵy memlekettik jáne aǵylshyn tilderin oqytý protsesine ulttyq qundylyqtarmen ushtastyra álemdik ozyq ádistemelerdi, ınnovatsııalyq tehnologııalardy engizý arqyly oqýshylardyń bilim sapasyn arttyrýdyń joldaryn anyqtaý.

«Til - ulttyń jany. Sondyqtan, Qazaqstan Respýblıkasyndaǵy memlekettik tildiń damý jaıy barlyǵymyzdy tolǵandyratyn mańyzdy másele. Osy oraıda Elbasy, memleket pen búkil jurtshylyq tarapynan bilim berý salasyna úlken talaptar qoıylyp otyr. Ana tilimizdiń bolashaǵy, onyń qoldanys aıasynyń keńeıýi, onyń memlekettik deńgeıdegi  dárejege ıe bolýy - osynyń barlyǵy sizder men bizderge baılanysty. Táýelsizdigimizdiń 18 jyldyǵyn qarsy alǵaly otyrmyz. Búkil oqýlyqtardy jazý erki ózimizge berilgen qazirgi jaǵdaıda, bizdiń óz tarabymyzdan áli de kóptegen kemshilikter bar», - dep atap ótti QR Bilim jáne ǵylym mınıstri Janseıit Túımebaev.

Jıynǵa pán muǵalimderi, ádiskerler men ǵalymdar, joǵary oqý oryndarynyń, oqýlyqtar shyǵaratyn otandyq jáne sheteldik baspalardyń, QR Mádenıet jáne aqparat mınıstrliginiń, «Arnamedıa» AQ-nyń basshylary men mamandary qatysty. Olar respýblıkalyq keńes jumysyn qorytyndylap, tilderdi oqytý sapasyn arttyrý baǵytynda tıisti usynystar qabyldady.

Sonymen birge, atalmysh is-shara aıasynda qazaq jáne aǵylshyn tilderiniń otandyq oqýlyqtary, elektrondyq quraldary men sheteldik «Makmıllan», «Longman», «Kembrıdj Ýnıversıtı Press» Ulybrıtanııa Elshiligi janyndaǵy «British Council» kompanııasy jáne taǵy basqa baspalardyń ónimderinen oqý-ádistemelik ádebıetter kórmesi uıymdastyryldy.