Tilderdi qoldaný men damytýdyń 2001-2010 jyldarǵa arnalǵan memlekettik baǵdarlama birqatar nátıjeler bergenimen, kúrmeýi kóp máseleler áli de bolsa jetkilikti - B.Omarov
ASTANA. Qyrkúıektiń 3-i. QazAqparat /Gúlmıra Álıakparova/ - Tilderdi qoldaný men damytýdyń 2001-2010 jyldarǵa arnalǵan baǵdarlamasyn iske asyrýda ótken onjyldyq kezeńinde birqatar nátıjelerge qol jetkizilgenimen, kúrmeýi kóp máseleler áli de bolsa jetkilikti. Bul týraly búgin Astana qalasy ákimdiginde Tilderdi qoldaný men damytýdyń 2011-2020 jyldarǵa arnalǵan memlekettik baǵdarlama jobasyn qoǵamdyq talqylaý barysynda QR Mádenıet mınıstrligi Til komıtetiniń tóraǵasy Baýyrjan Omarov málim etti.
Tilderdi qoldaý men damytýdyń aldaǵy on jylǵa arnalǵan memlekettik baǵdarlamasynyń maqsaty men mańyzy týraly aıtqan B.Omarov, Tilderdi qoldaný men damytýdyń 2001-2010 jyldarǵa arnalǵan baǵdarlamasyn iske asyrýdan ótken onjyldyq kezeńinde de birqatar nátıjelerge qol jetkizilgenin atap ótti.
«Soltústiktiń tili syndy, tildik orta edáýir qazaqylandy, sheneýnikter kádimgideı sóz saptaı alatyn boldy. Ózge ult ókilderi til ıgerýge barynsha yqylas tanytty. Qazaq metkepteri men bala bashqalardyń sany kóbeıdi. Telejýrnalıstıkaǵa qazaq tilin jetik meńgergen ózge ult jastary kóbirek keldi. Qazaqsha qujattama til qalyptasty. Eki tilde, keıbiri úsh tilde sóılep-jaza alatyn jastar memlekettik qyzmette de, buqaralyq aqparat quraldarynda da jıi boı kórsete bastady. Jalpy til saıasatyna degen kózqaras ózgerdi. Tildiń kıesi men jumystyń júıesi bir arnaǵa tolyqty», - dedi ol.
Ótken baǵdarlamanyń nátıjelerin saralaǵan B.Omarov, til máselesinde kúrmeýi kóp máseleler áli de bolsa bar ekendigin qadap aıtty. «Eń aldymen, bul qoǵamdaǵy memlekettik tildi meńgerý deńgeıiniń árkelkiligi. Ekinshiden, eldiń qoǵamdyq-saıası ómirine memlekettik tildiń áli de bolsa baıaý engizilýi. Úshinshiden, til mádenıetiniń tómendeýi. Tórtinshiden, shet el tilderin meńgerý qarqynynyń baıaýlyǵy», - dedi.
Komıtet tóraǵasy atap kórsetkendeı, Tilderdi qoldaý men damytýdyń jańa baǵdarlamasy bul problemalardy júıeli túrde sheshýge baǵyttalǵan. Baǵdarlamanyń basty strategııalyq maqsaty - Qazaqstanda turatyn barlyq etnostardyń tilderin saqtaı otyryp, ult birligin nyǵaıtýdyń mańyzdy faktory retinde memlekettik tildiń keń aýqymdy qyzmetin qamtamasyz etetin úılesimdi tildik saıasat qalyptastyrý.
