Tilderdi qoldaný men damytý baǵdarlamasynyń jobasy qazaqı oımen, qazaqı tilmen jáne qazaq dilmen qaıtadan jazylýy kerek

Bul pikirdi búgin elorda ákimdiginde Tilderdi qoldaný men damytýdyń 2011-2020 jyldarǵa arnalǵan memlekettik baǵdarlama jobasyn qoǵamdyq talqylaýda S.Seıfýllın atyndaǵy Qazaq agrotehnıkalyq ýnıversıtetiniń rektory Aıtbaı Bulashev bildirdi.

«Baǵdarlama jobasynyń mátini orys tilinde daıyndalyp, qazaq tilimizge shorqaq adam aýdarǵandaı áser qaldyrdy. Keıbir tustaryn túsinbedim. Oryssha mátinin taýyp alyp, oqyǵannan keıin bári ornyna keldi», dep atap ótken ol jobanyń ekinshi maqsatynyń «Memlekettik tildi keńinen qoldanýdy kópshilikke taratý» degen ataýyna toqtaldy.

«Qoldaný degen sóz is-qımyldy bildiretin etistik emes pe? Ol zat emes. Іs-qımyldy qalaı biz kópshilikke taratamyz», dedi A.Bulashev.

Bul oraıda «memlekettik tildi keńinen qoldanýdy qamtamasyz etý» dep aıtsaq jetedi degen oıyn jetkizgen rektor «demek, jobaǵa onyń mátinin qazaq tiline beıimdeıtin tıisti túzetýler engizilýi kerek nemese mańyzy, máni qaldyrylyp, qazaqı oımen, qazaqı tilmen jáne qazaq dilmen qaıtadan jazylýy tıis», dep basa aıtty.