Tilderdi damytýdyń 2020 jylǵa deıingi baǵdarlamasynda memlekettik tildi damytýǵa basymdyq berilýi kerek - Premer-Mınıstr
ASTANA. Qańtardyń 25-i. QazAqparat /Ernur Aqanbaı/ - Tilderdi damytýdyń 2020 jylǵa deıingi jańa baǵdarlamasynda memlekettik tildi damytýǵa basymdyq berilýi kerek. Bul týraly búgin Mádenıet jáne aqparat mınıstrliginiń keńeıtilgen alqa májilisinde Premer-Mınıstr Kárim Másimov málimdedi,
dep habarlaıdy QazAqparat.
«Ótken aptada Almatyda memlekettik tildi damytýǵa arnalǵan úlken jıyn boldy. Sol jerde tilderdi damytýdyń onjyldyq baǵdarlamasy týraly jaqsy oı-pikirler aıtyldy. Endi Elbasynyń tapsyrmasy boıynsha 2020 jylǵa deıingi jańa memlekettik baǵdarlama daıyndalady. Osy baǵdarlamada memlekettik tildi damytýǵa basymdyq berý kerek», dedi alqada Premer-Mınıstr.
Úkimet basshysynyń aıtýynsha, baǵdarlamany daıyndaý barysynda zııaly qaýymmen barlyq qoǵamdyq uıymdardyń ustanymdary eskerilýi kerek. «Memlekettik til máselesi eldik muratqa aınalýy tıis», dedi Úkimet basshysy.
