«Tildaryn» ádistemelik ortalyǵy Astanadaǵy Ulttyq akademııalyq kitaphanasynda memlekettik tildi jedeldetip oqytýdyń jańa ádistemesimen tanystyrýǵa arnalǵan baspasóz máslıhatyn ótkizedi
dep habarlady Assambleıanyń baspasóz qyzmeti.
Ádisteme negizi retinde belgili reseılik lıngvıst tájirıbesi alyndy.
Qazaqstan halqy Assambleıasynyń bastamasymen jumys toby qurylyp, onyń quramyna álemniń 30 tilin meńgergen, psıholıngvıst, tilderdi jedeldetip meńgerýdiń biregeı ádistemeleriniń avtory Dmıtrıı Petrov, Ál-Farabı atyndaǵy Qazaq Ulttyq ýnıversıteti lıngvıstıkalyq-ádistemelik ǴZI sektor meńgerýshisi, oqytýshy, zertteýshi, qazaq tiliniń onlaın oqytý baǵdarlamalaryn ázirleýshi, f.ǵ.k., Álııa Quryshjanova, memlekettik tildi oqytýdyń jeke ádistemesiniń avtory, «Parasat jáne Dil» qoǵamdyq birlestiginiń dırektory Quralaı Mutanova, «Tildaryn» ádistemelik ortalyǵynyń dırektory, qazaq tilin aǵylshyn tili arqyly meńgerýge arnalǵan «Barshaǵa arnalǵan qazaq tili» atty oqý quralynyń avtory, lıngvıst, aýdarmashy Merýert Japarova, «Has Sanat» Ulttyq mádenıetti damytý qory» qoǵamdyq qorynyń vıtse-prezıdenti, Qazaqstan halqy Assambleıasy Hatshylyǵynyń keńesshisi, belgili jýrnalıst, Qazaqstan mádenıeti men tarıhyn zertteýshi, pedagog Vıtalıı Aleksandrov tartyldy.
Avtorlar toby ázirlenip jatqan ádistemelik jobany «Tildaryn» dep atap, alǵashqy 2 eksperımenttik topta baıqaýdan ótkizdi. Eksperımenttik toptarǵa Qazaqstandaǵy shetel dıplomatııalyq ókildikteriniń qyzmetkerleri (Japonııa, Indııa, Frantsııa, Ýkraına jáne t.b.) jáne «Samuryq-Qazyna» UÁAQ» AQ ókilderi qatysty. Baspasóz máslıhatyna atalǵan toptardyń tyńdaýshylary qatysady.
Sonymen qatar atalǵan ádisteme boıynsha ázirlengen oqytý ádistemelik kesheniniń tusaýkeseri ótedi.
