Til úıretý ortalyqtarynyń jumysyn júıege túsirýdi uıymdastyrý jaıynda konferentsııa ótedi
ASTANA. 19 qazan. QazAqparat /Qanat Mámetqazyuly/ - 21 qazanda Astanadaǵy Sh. Shaıahmetov atyndaǵy Tilderdi damytýdyń respýblıkalyq úılestirý-ádistemelik ortalyǵynda
«Respýblıkadaǵy memlekettik tildi úıretý ortalyqtarynyń jumysyn júıege túsirýdiń uıymdastyrýshylyq jáne ádistemelik máseleleri» taqyrybynda ǵylymı-praktıkalyq konferentsııa ótedi. Bul týraly atalǵan ortalyqtan habarlandy.
Konferentsııanyń negizgi maqsaty - elimizdegi memlekettik tildi úıretý ortalyqtarynyń jumysyn júıege túsirý jáne olarǵa ǵylymı-ádistemelik qoldaý kórsetý bolyp tabylady. Konferentsııa jumysyna belgili ǵalymdar, oblystardyń jáne Astana men Almaty qalalarynyń til úıretý ortalyqtarynyń basshylary men ádiskerleri, buqaralyq aqparat quraldarynyń ókilderi qatysatyny josparlanǵan.
Jıyn barysynda til úıretý ortalyqtarynyń jumysyn júıege túsirý, memlekettik tildi oqytýdaǵy jobalaý tehnologııasy men memlekettik tildi qashyqtan oqytý ádistemesin jetildirý, áleýmettik lıngvıstıkanyń memlekettik tildi oqytýdaǵy rólin kórsetý, memlekettik qyzmetshilerge memlekettik tildi oqytýdaǵy oqý-ádistemelik keshenderdi saraptaý, t. b. mańyzdy máseleler talqylanady dep kútilýde.
Jıyn qorytyndysy boıynsha memlekettik tildi úıretý ortalyqtarynyń jumysyn júıege túsirý jónindegi usynystar ázirlenbek.
