Til úıretý ortalyqtary bir júıege keltiriletin bolsa, onyń úlken áleýettik qurylym bolyp qalyptasatyny sózsiz

Bul týraly búgin Shaısultan Shaıahmetov atyndaǵy Tilderdi damytýdyń úılestirý-ádistemelik respýblıkalyq ortalyǵynyń dırektory Birjan Belǵara «Til úıretý ortalyqtary qyzmetkerleriniń biliktiligin jetildirý» atty respýblıkalyq ǵylymı-tájirıbelik konferentsııa barysynda málim etti.

Onyń aıtýynsha, Tilderdi damytýdyń úılestirý-ádistemelik respýblıkalyq ortalyǵy respýblıka boıynsha memlekettik tehnıkalyq retteý júıesiniń memlekettik tiziminde tirkelgen sáıkestik sertıfıkatyna ıe bolǵan birden-bir ortalyq. «Biz til úıretýmen qatar biliktilikti jetildirý kýrstaryn uıymdastyryp kelemiz. Bıylǵy jyly biz Qazaqstan Respýblıkasy Memlekettik qyzmetiniń tildik qorjyny júıesin engizý boıynsha biraz jumystar atqardyq. Endi osy júıeni engizý boıynsha oblystar arasynda saraptama jumystaryn júrgizýdemiz», - dedi ortalyq dırektory.

Sondaı-aq onyń málimetterine qaraǵanda, osy ýaqytqa deıin respýblıkalyq ortalyqtan 40-qa jýyq mekemeden 1 myńǵa jýyq tyńdaýshylar memlekettik til úıretý kýrstarynan ótken.