Til - ult bolashaǵy
Bizdiń ana tilimiz sheksiz baı, óte kórkem til. Ana tiliniń kórkemdigin kórkeıtý ult baıraǵyn kóterý men birdeı desek, qatelespegen bolarmyz.
QR Prezıdenti N.Á.Nazarbaev óz joldaýynda «ulttyq til - qazaq ultynyń rýhanı mádenı baılyǵyn urpaqtan urpaqqa jetkizýshi qasıetti qural» dep basta kórsetken bolatyn.
Álemde qansha ult,násil bolsa, solardy bir birinen daralap turatyn basty boıtumary - týǵan tili. «Ár halyqtyń ana tili-bilimniń kilti», - dep Ahmet Jubanov tildiń adamzat ómirindegi mańyzyn asha tústi. Ana tiliniń qudireti jaıly qanshama oıshyl, aqyn jazýshylarymyz, danalarymyz qundy pikirler qaldyrdy. Osynaý babalarymyz sóılep, danalarymyz tolǵap, analarymyz áldeılep ósken qazaq tiliniń elimizdiń bolashaǵynyń kórkeıýine zor yqpal etýde.
Qazaqstannyń bolashaǵy - qazaq tilinde. Qazaq tili 2025 jylǵa qaraı óńirdiń barlyq salasynda ústemdik etip, kez kelgen ortada kúndelikti qatynas tiline aınalary sózsiz. Osylaı táýelsizdigimiz búkil ultty uıymdastyratyn eń basty qundylyǵymyz - týǵan tilimizdiń mereıin ústem etti.
Qazirgi jahandanǵan, aqparatyq damyǵan ǵasyrynda bolyp jatqan túrli ózgeristermen jańashyldyqtar elimizdiń ekonomıka salasyna da, bilim berý júıesine de tyń izdenisterdi engizip otyr. Elbasynyń salıqaly saıasatynyń arqasynda elimiz bereke men birliktiń, yntymaq pen dostyqtyń,tatýlyqtyń ólkesi bolyp,kóp ultty memleketke aınalyp otyr.Osy oraıda elbasymyz atap ótkendeı: «Biz - kópultty qoǵambyz. Qazaqstanda turatyn barlyq ulttar men ulystardyń tilimen mádenıetin jáne salt dástúrin damytýǵa barynsha jaǵdaı jasaýda aldyńǵy ýaqytta da jalǵastyra beretin bolamyz», - degen bolatyn.
Qazirgi tańda «Keleshekke kemel bilimmen» dep Prezıdentimiz N.Á.Nazarbaev ustanym etkendeı, keleshekke kemel bilimmen qadam basyp, álemdik bilim keńistiginiń qupııalaryna úńilip,qoǵamǵa beıim, óz qabiletin tanyta alatyn, jan-jaqta damyǵan,birneshe tildi meńgergen, quziretti tulǵany qalyptastyrý basty maqsattardyń biri bolyp otyr.
Úsh tildi oqytý - zaman talaby. Úshtildilik básekege qabiletti elder qataryna aparar basty baspaldaqtardyń biri. Osy «Úshtuǵyrly til» týraly ıdeıany memleket basshysy iske asyrýdy balabaqshadan bastalýy tıis. Bul - zaman talaby. Osy oraıda tárbıeshi men muǵalimder básekege qabletti tulǵany daıarlaýdy zor dep tanylýda. Qazaq tili - memlekettik til, orys tili - ultaralyq qatynas tili jáne aǵylshyn tili - jahandyq ekonomıkaǵa oıdaǵydaı kirý tili dep salıqaly úndeýinde atap kórsetti.
Bul úderisten bizde tys qalmaýymyz kerek.Úshtildiliktiń mańyzyn túsine bilgen jannyń bolashaqtaǵy ómir belesinen, bilim keńistiginde alary da bereri de mol.
Osy oqý jylynyń basynda «Tilder merekesi» aptalyǵynda júrgizilgen barlyq is sharalar úshtuǵyrly til bıiginde atalyp ótti. Shákirtterdiń, jańalyqqa jany qumar ustazdardyń básekege qabiletti tulǵa tárbıeleý de orasan zor eńbekteri kórinis tapty. Balabaqshadan bastaý alǵan osy saıasattyń túrli taqyryptarda lıngvıstıkalyq, ekonomıkalyq tarıhı, tanymdyq saıystar oqýshylar arasynda úshtuǵyrly til barysynda beleń alýda. Aldaǵy ýaqytta úshtuǵyrly tildi meńgerý - erkindiktiń, bostandyqtyń, táýelsiz el ulandarynyń búkil álem boıynsha básekege qabiletti dara tulǵa ekendiginiń kepili.
