Til týraly zańnyń baptary nege oryndalmaı otyr? - R.Halmuradov
ASTANA. 14 naýryz. QazAqparat - Til týraly zańnyń baptary nege oryndalmaı otyr?
Búgin QR Parlamenti Májilisiniń jalpy otyrysynda Úkimet basshysynyń atyna saýal joldaǵan depýtat Rozaqul Halmuradov memlekettik til máselesine qatysty zań normalarynyń oryndalmaı otyrǵany týraly másele kóterdi.
«Qazaqstan Respýblıkasyndaǵy til týraly zańnyń» qoldanysqa engizilgenine 15 jyl boldy. Alaıda, osynsha jyl ótkenine qaramastan, zańnyń 23-babyndaǵy memlekettik tildi belgili bir kólemde jáne biliktilik talaptaryna saı bilýi tıis kásipter, mamandyqtar jáne laýazymdardyń tizbesi týraly norma áli kúnge oryndalmaı keledi. Alaıda osy tizbe bekitilgennen keıin, ertesinde-aq mamandar da laýazymdar da qazaqsha sóılep ketedi degenimiz durys emes. Sondyqtan tizbe bekitilgennen keıin ol boıynsha kimniń qanshalyqty deńgeıde tildi bilýi tıistigi aıqyndalýy shart. Budan soń baryp, olarǵa daıyndalýǵa qajetti merzim beriledi. Alaıda bunyń biri de oryndalyp otyrǵan joq», - deıdi Rozaqul Halmuradov.
Onń aıtýynsha, atalǵan zańnyń 21-babyndaǵy norma da oryndalmaı otyr. Onda kórnekti aqparattyń barlyq mátini memlekettik tilde sol jaǵyna nemese joǵaryǵa, orys tilindegi mátin oń jaǵyna nemese tómengi jaǵyna ornalasady, birdeı ólshemdegi áriptermen jazylady dep kórsetilgen. Basqa tilderge aýdarylýy qajettiligine qaraı jazylýy múmkin. «Alaıda basqa jerdi aıtpaǵandy Astananyń ózindegi basym jerlerde kórnekti aqparat aǵylshyn tilinde bir metrlik áriptermen, al qazaqshasy 15 -20 santımetrlik árippen jazylǵan. Buny tártipke keltirý úshin bıýdjetten qarajat qajet emes. Tek memlekettik ýákiletti organnyń quzyry jetpeı jatyr», - deıdi depýtat.
