«Til - tatýlyq tiregi» respýblıkalyq baıqaýynyń jeńimpazdary marapattaldy

ASTANA. QazAqparat - QR Bas prokýratýrasynyń bastamasymen jáne Mádenıet jáne sport mınıstrliginiń Tilderdi damytý jáne qoǵamdyq-saıası jumys komıtetiniń qoldaýymen uıymdastyrylǵan «Til - tatýlyq tiregi» atty respýblıkalyq baıqaýdyń qorytyndysy jarııalandy, dep habarlaıdy vedomstvonyń baspasóz qyzmetinen.

Jarysty qazylar alqasynyń tóraǵasy, bedeldi qoǵam qaıratkeri Myrzataı Jodasbekov qorytyndylady. Baıqaýdyń bas júldesin Memlekettik kúzet qyzmeti jeńip aldy, al birinshi oryndy - Bas prokýratýranyń, ekinshi oryndy - Qorǵanys mınıstrliginiń, úshinshi oryndy - Joǵarǵy Sot pen Ulttyq qaýipsizdik komıtetiniń qyzmetkerleri ıelendi.

Jeńimpazdar baǵaly syılyqtarmen marapattaldy. Sondaı-aq erekshe kózge túsken úzdik qatysýshylarǵa Bas prokýratýranyń alǵys hattary tabystaldy.