«Til - tatýlyq tiregi» respýblıkalyq baıqaýy bastaldy (FOTO)
Jarysqa Bas prokýratýra, Joǵarǵy Sot, UQK, Memlekettik kúzet qyzmeti, ІІM, Qorǵanys mınıstrligi, Memlekettik qyzmet isteri jáne sybaılas jemqorlyqqa qarsy is-qımyl agenttigi, Qarjy mınıstrligi Kedendik baqylaý komıteti qyzmetkerlerinen quralǵan 8 top qatysýda.
Uıymdastyrýshylardyń aıtýynsha, baıqaý barysynda qatysýshylar ózge ult ókilderiniń qazaq halqynyń salt-dástúrleri týraly sahnalanǵan kórinis, qazaq tilin qurmetteý jáne patrıottyq sezim týraly án shyrqaý saıystaryna túsip, 2020 jyly memlekettik tildi jetik biletin qyzmetkerlerdiń úlesin 95 paıyzdy qamtýy, memlekettik tildiń dińgegi - otbasy, latyn álipbıine kóshý, sondaı-aq zańdardy memlekettik ázirleý taqyryptarynda óz pikirlerin ortaǵa salady.
«Qazaq tili - qoǵamdyq qatynas tili, Qazaqstan halqyn biriktiretin faktor. Memlekettik tildi bilý - árbir qazaqstandyqtyń mindeti. Elbasynyń 2020 jyly memlekettik tildi biletinderdiń úlesin 95 paıyzǵa jetkizý tapsyrmasy kásibı salada memlekettik tildi meńgertý boıynsha naqty sharalar ótkizýdi kózdeıdi»,-dedi QR Bas prokýratýrasynyń Kadr jumysy departamentiniń basshysy Roza Dosymbekova.
Aıta keteıik, bul shara QR Bas prokýratýrasynyń bastamasymen, Mádenıet jáne sport mınıstrliginiń qoldaýymen uıymdastyryldy.
