Til saıasatynyń 5 jyldyq tujyrymdamasy ázirlenedi

ASTANA. QazAqparat – Til saıasatyn iske asyrdýyń 2023-2028 jyldarǵa arnalǵan tujyrymdamasy ázirlenbek. Bul jaıynda QR Ǵylym jáne joǵary bilim mınıstri Saıasat Nurbek málim etti, dep habarlaıdy QazAqparat tilshisi.

«Memlekettik tildi damytý jáne qoldanys aıasyn keńeıtý úshin 2023-2028 jyldarǵa arnalǵan til saıasatyn iske asyrý jónindegi tujyrymdama ázirlenetin bolady», - dedi mınıstr Úkimet otyrysynda.

Vedomstvo basshysy Úkimet janynan memlekettik til saıasatyn iske asyrý jónindegi komıssııa qurylǵanyn eske saldy.

«Óńirlik semınarlar, respýblıkalyq konkýrstar ótkizý jáne azamattardyń tildik belgileri boıynsha quqyqtaryna nuqsan keltirýge jol bermeýge qatysty ádistemelik usynymdar ázirleý boıynsha jumystar júrgizilýde», - dedi Saıasat Nurbek.