Til saıasatynda asyǵýǵa da, keshigýge de bolmaıdy - Ahmetjan Esimov
MATY. 23 qyrkúıek. QazAqparat /Erlik Erjanuly/ - Elbasy atap kórsetkendeı, qazaq tili - qoǵamdy biriktiretin kúsh bolýy kerek.
Almaty qalasynyń ákimi Ahmetjan Esimov keshe "Ana tilim - ardaǵym" dep atalatyn festıval kezinde osylaı aıtty.
"Táýelsizdik alǵanǵa deıin qalyptasqan tildik ahýaldy salystyrý ýaqytty, tózý men tabandy kúsh-jigerdi, tyńǵylyqty isti qajet etedi. Bizge eń aldymen eldiń berekesi, yntymaǵy men birligi qajet. Til el ishindegi tatýlyqtyń, qoǵamdaǵy turaqtylyqtyń altyn dińgegi ekeni eshqashan esten shyǵarýǵa bolmaıdy", - deıdi A. Esimov. Ahmetjan Smaǵululynyń aıtýynsha, Qazaqstannyń álemdik qaýymdastyq aldyndaǵy abyroı-bedeli men bıyl 20 jyl bolyp otyrǵan táýelsizdiktiń beriktigi osy dara saıasattyń jemisi dep túsinýimiz kerek. Táýelsizdigimizdiń tuǵyry, el birliginiń úlgisi bolyp otyrǵan memlekettik saıasattyń tabystaryn ulttyń ıgiligi dep tanyp otyratyn sharamyzǵa azamattyq jaýapkershilikpen qaraý qajet.
