«Til – memleket táýelsizdiginiń nyshany» XV respýblıkalyq olımpıadasy márege jetti

NUR-SULTAN. QazAqparat - «Til – memleket táýelsizdiginiń nyshany» XV respýblıkalyq olımpıadasynyń jeńimpazdary anyqtaldy, dep habarlaıdy QR Bilim jáne ǵylym mınıstrliginiń baspasóz qyzmeti.

2021 jyldyń 18-28 qańtar aralyǵynda qazaq tilinen ózge ult ókilderi bolyp tabylatyn 5-10 synyp oqýshylary arasynda «Til – memleket táýelsizdiginiń nyshany» atty XV respýblıkalyq olımpıadasy ótti.
Qashyqtan ótken olımpıadanyń alǵashqy kezeńine 9 579 oqýshy qatysyp, olardyń 145-i qorytyndy kezeńge joldama aldy.
Olımpıada qorytyndysy boıynsha 53 qatysýshy júldeger atandy.
І dárejeli dıplomdarmen – 9 oqýshy, ІІ dárejeli dıplomdarmen – 16 oqýshy, ІІІ dárejeli dıplomdarmen – 28 oqýshy marapattalady.
Olımpıada júldegerlerin, olardyń ata-analary men muǵalimderdi jeńisterimen quttyqtaımyz!