Til máselesiniń saldarynan Belgııa úkimeti otstavkaǵa ketti
ASTANA. Sáýirdiń 27-si. QazAqparat - Barsha belgııalyqtardyń koroli Albert ІІ gollandsha sóıleıtin flamandtyqtar men frantsýzsha sóıleıtin vallondar arasyndaǵy til talasynyń saldarynan otstavkaǵa ketýge májbúr bolǵan úkimettiń ótinishin qabyldady,
dep habarlaıdy «Maıak» radıosy.
Eki tilde sóıleıtin belgııalyqtardyń arasyndaǵy aıyrmashylyq memlekettiń qurylymyna da tikeleı qatysty bolyp otyr - alǵashqylar memleketti ortalyqtan basqarý kerek dese, ekinshiler - bılikti óńirlerge berý kerek degendi aıtýda.
Osydan 180 jyl buryn táýelsizdik alǵan Belgııada uzaq ýaqyt boıy arıstokratııa men býrjýazııa ókilderin negizinen frankofondar quraǵan, tek HH ǵasyrdyń orta sheninen bastap qana turǵyndary golland tilinde sóıleıtin Flandrııanyń ekonomıkalyq áseri arta bastaǵan.
Nátıjesinde, golland tilinde sóıleıtin belgııalyqtar kóbeıgennen keıin eldegi lıngvıstıkalyq jaǵdaı da ózgergen. Sońǵy kezde frantsýz tildi belgııalyqtar da birtindep golland tilin úırene bastaǵan.
