Til máselesine qatysty kreatıvti sheshimder ortalyǵy qurylady

Bul týraly búgin Mádenıet mınıstrliginde ótken jıyn barysynda mınıstrliktiń jaýapty hatshysy Janna Qurmanǵalıeva málim etti.

«Biz ortalyqty shartty túrde osylaı atap otyrmyz. Bunda memlekettik jáne basqa da tilderdi damytýǵa qatysty kez-kelgen ıdeıalar júzege asady. Tildiń mártebesin arttyrý jobalary, televızııalyq jobalar, fılmder stsenarııleri, ádistemeler, qoljazbalar men baspa ónimderi, sondaı-aq ınnovatsııalyq jáne aqparattyq tehnologııalyq dúnıeler osynda qoldaý tabady», - dedi J. Qurmanǵalıeva.

Onyń aıtýynsha, atalǵan ortalyqta memlekettik tildi damytýmen qosa, basqa tilderge oqytý jumystary da júzege asatyn bolady. «Al tilderdi damytý komıtetiniń janyndaǵy saraptamalyq keńes ondaı ıdeıalardyń barlyǵyn qarap shyǵady. Onyń ishinde saraptamalyq keńespen quptalyp, qandaı da bir ónimderdi keńinen taratýǵa usynys jasalsa, bundaı dúnıeler qarjylandyrylatyn bolady», - dedi J. Qurmanǵalıeva.