Til komıteti qoǵamdyq keńes aldynda jyl saıyn esep beretin bolady

Bul týraly búgin Mádenıet mınıstrliginde ótken jıyn barysynda jaýapty hatshy Janna Qurmanǵalıeva osylaı málim etti.

«Kelesi jyldan bastap Til komıteti Mádenıet mınıstrliginiń bastamasymen qurylatyn qoǵamdyq keńes aldynda esep beretin bolady. Qarjylyq jyl boıynsha bıýdjetten jumsalatyn árbir tıynǵa deıin esebin jasaıdy. Salyq tóleýshilerdiń qarjysynyń ıgerilýi, onyń tıimdiligi, keler paıdasy - bári saralanady. Jobalardan qoǵamnyń kórip otyrǵan nátıjesi de júıelenedi», - dedi jaýapty hatshy.

Esterińizge sala keteıik, búgin QR Mádenıet mınıstrligi 2011-2020 jyldarǵa arnalǵan Tilderdi damytýdyń memlekettik baǵdarlamasyn júzege asyrý jónindegi qoǵamdyq keńes qurýǵa bastamashylyq jasady. Atalǵan keńes eń aldymen til máselesindegi dıalogtyq alań retinde qalyptasatyn bolady. Qoǵamdyq keńeske múshe bolý barynsha ashyq. Bul rette til@ok.kz poshta jáshigine kez-kelgen azamat, kez-kelgen uıym ózderiniń qoǵamdyq keńes jumysyna qatysý nıetterin joldaı alady. Sonymen qatar, qoǵamdyq keńes til zańnamasyn jetildirýge jáne til tóńiregindegi barlyq baǵyttardy damytýǵa baılanysty usynymdar ázirleıtin bolady.