«Til - barlyq bilimniń kilti» atty orys tili bilgirleriniń respýblıkalyq baıqaýy ótedi
ASTANA. 15 qyrkúıek. QazAqparat - 16 qyrkúıekte Qazaqstan halqy tilderiniń HІII festıvali aıasynda Reseı ǵylym jáne mádenıet ortalyǵynda «Til - barlyq bilimniń kilti» atty orys tili bilgirleriniń baıqaýy ótkiziledi.
Sharany QR Mádenıet mınıstrliginiń Til komıteti jáne Qazaqstannyń Orys qaýymy Reseı yntymaqtastyq ókildiginiń qoldaýymen, «Qazaqstan Respýblıkasynyń Mádenıet mınıstrligi men Qazaqstannyń Orys qaýymy arasyndaǵy ózara túsinistik pen yntymaqtastyq týraly» memorandýmǵa sáıkes uıymdastyrmaq.
Baıqaý qazaq tilinde oqıtyn jastardyń basqa tilderdi meńgerýge degen shyǵarmashylyq qabiletterin jandandyrýdy, sóıleý mádenıetiniń deńgeıin arttyrýdy, olardyń boıynda toleranttylyqty tárbıeleýdi negizge ala otyryp uıymdastyrylady.
Sharanyń negizgi ereksheligi - Elbasymyz N.Á.Nazarbaevtyń bastamasymen qolǵa alynǵan «Tilderdiń úshtuǵyrlyǵy» mádenı jobasyn júzege asyrýda Mádenıet mınıstrliginiń Til komıteti men Qazaqstannyń Orys qaýymy arasyndaǵy tabysty yntymaqtastyqtyń nyǵaıýy.
Baıqaýǵa qatysýshylardyń negizgi quramy - oblystyq jáne qalalyq (Astana jáne Almaty q.q.) irikteý kezeńderiniń jeńimpazdary bolǵan - 14-22 jastaǵy joǵary oqý oryndarynyń stýdentteri, mektepter men kollejderdiń oqýshylary.
Respýblıkalyq týr aıasyndaǵy osy baıqaý: «Jeti jurttyń tilin, jeti túrli bilim bil» atty aýyzsha tanystyrylym, «Til - babalar murasynyń bastaýy» orys sóz ónerin bilýge arnalǵan test, orys ádebıeti klassıkteriniń shyǵarmalary úzindileriniń mazmunyn zamanaýı teatrlandyrylǵan ınterpretatsııada baıandaý, «Shabyt juldyzy» atty shyǵarmashylyq tapsyrma nomınatsııalary boıynsha ótkiziledi.
Jeńimpazdar men júldegerler baǵaly syılyqtar jáne dıplomdarmen marapattalady.
