Tikushaq kún batareıasymen alǵashqy ushyrylymyn jasady
ASTANA. QazAqparat - Merılend shtatyndaǵy Ýnıversıtet stýdentterinen quralǵan komanda kún panelderimen jaraqtalǵan tórt rotorly tikushaq ázirledi, dep habarlaıdy nat-geo.ru.
Áýe kemesi aýada toǵyz sekýnd boldy, bul rette ol 30 sm astam bıiktikke kóterildi. Aǵaıyndy Raıttardyń alǵashqy ushyrylymy 12 sekýndqa sozylǵan.
Tikushaqty qurastyrǵan komanda budan buryn pedalmen jumys istegen tarıhtaǵy eń uzaq tikushaq ushyrylym jasaǵanymen erekshelengen. Bul tikushaqtyń konstrýktsııasy ishinara aldyńǵy ushý apparatynyń syzbalaryna negizdelgen.
«Jeti jylda joba mehanıkalyq qorektendirýden taza energııaǵa deıin uzaq synaqtan ótti», - dep habarlady Ýnıversıtettiń doktoranty Ýılıam Starýk.
