Tikushaq apatynyń sebepterin eki birdeı vedomstvo ókilderi tekseredi
Bu týraly Tótenshe jaǵdaılar mınıstrliginiń resmı ókili Rýslan Imanqulov vedomstvoda ótken brıfıngte aıtty.
«Oqıǵanyń mán-jaıyn tergeýmen QR ІІM Kóliktegi polıtsııa departamentiniń qyzmetkerleri men QR Indýstrııa jáne ınfraqurylymdyq damý mınıstrliginiń Kóliktegi oqıǵalar men ıntsıdentterdi tergeý departamentiniń qyzmetkerleri aınalysatyn bolady», - dedi mınıstrliktiń resmı ókili.
Sondaı-aq, ol ekıpaj músheleriniń bári bilikti mamandar bolǵanyn eske aldy.
«Ekıpajda bilikti, joǵary tájirıbeli mamandar bolǵanyn atap ótkim keledi, olardyń áýede ushý saǵattary da az emes. Árqaısysynyń avıaqutqarý salasyndaǵy eńbek ótili 10 jyldan kem emes, al jalpy eńbek ótili 30 jyldan asady», - dedi Rýslan Imanqulov.
Eske salsaq, keshe Batys Qazaqstan oblysynda «Qazavıaqutqarý» AQ-ǵa tıesili tikushaqtyń «apatty jaǵdaıda qonyp», 4 adamnyń mert bolǵany habarlanǵan bolatyn.
Búgin tańerteń TJM Batys Qazaqstandaǵy oqys oqıǵadan qaza tapqandardyń aty-jónin jarııalady.
Foto: t.me/qr_tjm