Tikushaq apatynan qaza tapqandardyń otbasyna 1 mln teńgeden kómek beriledi
AQTAÝ. QazAqparat - Mańǵystaý oblysynyń ákimdigi tikushaq apatynan qaza tapqan áskerı qyzmetkerlerdiń otbasyna 1 mıllıon teńgeden kómek beriledi, dep habarlaıdy QazAqparat tilshisi.
Búgin oblys ákimi Eraly Toǵjanov qulaǵan tikushaqtyń tizgininde bolǵan eskadrılıa komandıriniń orynbasary, maıor Roman Kostygovtyń otbasyna baryp, kóńil aıtyp qajetti kómektiń kórsetiletinin jetkizdi.
«Qaıǵyly oqıǵada qaza tapqan, Mańǵystaýda 30153 áskerı bóliminde áskerı mindetin atqaryp júrip, marqum bolǵan qyzmetkerlerdiń otbasyna Mańǵystaý oblysy ákimdigi atynan 1 mıllıon teńge kólemindi materıaldy kómek kórsetiledi»-dedi oblys ákimi Eraly Toǵjanov.
Eske sala ketsek, QR ІІM TJK baspasóz qyzmeti buǵan deıin Qyzylorda oblysynyń Jalaǵash aýdanynda MI-8 tikushaǵy apatqa ushyraǵanyn habarlaǵan bolatyn.
Qorǵanys mınıstrliginiń aqparatyna sáıkes, atalǵan tikushaq 4 birdeı áskerı tikushaq quramynan turatyn bólimmen birge Aqtaý qalasynan Shymkentke ushyp bara jatqan. Ushý sapary arnaıy bólimshelerdiń «Altyn jebe» keshendi oqý jáne jattyǵý aıasynda qarańǵyda ári kúrdeli meteorologııalyq jaǵdaıda júrgizilgen.
Tikushaqta bolǵan 13 adam qaza tapty.
