Tikushaq apatynan qaza tapqandardyń aty-jónderi belgili boldy
NUR-SULTAN. QazAqparat - Qyzylorda oblysynda apatqa ushyraǵan Mı-8 tikushaǵynyń bortynda bolǵan úsh ekıpaj múshesi men toǵyz áskerı qyzmetshiniń aty-jóni belgili boldy. Málimet ınternette jarııalandy, dep habarlaıdy QazAqparat lada.kz silteme jasap.
Apatta ekıpaj komandıri Roman Kostygov, ekıpaj komandıriniń kómekshisi, leıtenant A.B.Aıtbaev jáne bort tehnıgi, maıor Tımýr Ádilqanuly Qudaıberdıev qaza tapqan.
Bortta bolǵan maıor D.A.Qońyrbaı, kapıtan S.M. Masalım, aǵa serjant M.R. Sháripov; kishi serjant A.T. Abdýlmanov, aǵa leıtenant G.K. Rahymbaev, evfreıtorlar - B. Baıbaqov, M.A. Jumatov, A.T. Ábdildınov, K. Sarqytbaevtar da kóz jumdy.
Eske sala ketsek, QR ІІM TJK baspasóz qyzmeti buǵan deıin Qyzylorda oblysynyń Jalaǵash aýdanynda MI-8 tikushaǵy apatqa ushyraǵanyn habarlaǵan bolatyn.
QR Prezıdenti Qasym-Jomart Toqaev Qyzylorda oblysynda qulaǵan tikushaqta bolǵan ekıpaj músheleriniń otbasyna kóńil aıtty.
