Tikushaq apatyna aýa raıynyń qatysy bar ma – TJM jaýaby

ASTANA. QazAqparat - Tótenshe jaǵdaılar mınıstrliginiń resmı ókili Rýslan Imanqulov vedomstvoda ótken brıfıngte Batys Qazaqstanda apatqa ushyraǵan tikushaq ushar kezde aýa raıy qandaı bolǵanyn málim etti, dep habarlaıdy QazAqparat tilshisi.

«Negizi pılottarda «meteo bıýlleten» degen arnaıy resmı qujattary bar. Sol meteo bıýlleten boıynsha ushýǵa múmkindik boldy. Qazirgi tańda bizge belgilisi osy», - dedi TJM resmı ókili.

Eske salsaq, keshe Batys Qazaqstan oblysynda «Qazavıaqutqarý» AQ-ǵa tıesili tikushaqtyń «apatty jaǵdaıda qonyp», 4 adamnyń mert bolǵany habarlanǵan bolatyn.

Búgin tańerteń TJM Batys Qazaqstandaǵy oqys oqıǵadan qaza tapqandardyń aty-jónin jarııalady.