Tikushaq apaty: QR Bas prokýrory tergeýdi óz baqylaýyna aldy

NUR-SULTAN. QazAqparat - QR Bas prokýrory Ǵızat Nurdáýletov Qyzylorda oblysynda bolǵan tikushaq apatyn tergeý barysyn óz baqylaýyna aldy, dep habarlaıdy QazAqparat.

«Qorǵanys mınıstrliginiń áskerı tikushaǵynyń apatqa ushyraý faktisi boıynsha QR Qylmystyq kodeksiniń 464-babymen (ushý nemese oǵan daıyndalý qaǵıdalaryn buzý) sotqa deıingi tergep-tekserý bastaldy. Qaıǵyly oqıǵanyń ózektiligine oraı, qylmystyq is Bas áskerı prokýratýrasy arnaıy prokýrorlarynyń óndirisine qabyldandy», - delingen QR Bas prokýratýrasynyń saıtynda.

Málim bolǵandaı, QR ІІM-niń Áskerı-tergeý basqarmasynyń qyzmetkerleri qatarynan jedel-tergeý toby quryldy.Tergeý barysy Bas prokýrordyń baqylaýyna alyndy.

Eske salaıyq, 27 naýryz kúni keshke Qyzylorda oblysynyń Jalaǵash aýdanynda MI-8 tikushaǵy apatqa ushyrady. Qorǵanys mınıstrliginiń aqparatyna sáıkes, atalǵan tikushaq Aqtaý qalasynan Shymkentke bet alǵan 4 áskerı tikushaq quramynda bolǵan. Barlyq ekıpaj múshesi - 13 adam qaza tapty.