Tikushaq apaty faktisi boıynsha qylmystyq is qozǵaldy

NUR-SULTAN. QazAqparat - QR Bas áskerı prokýratýrasy Qyzylorda oblysynda tikushaq apaty faktisi boıynsha qylmystyq is qozǵady. Bul týraly Bas prokýrordyń orynbasary Andreı Lýkın málim etti, dep habarlaıdy QazAqparat tilshisi.

«Bas áskerı prokýratýra qozǵalǵan qylmystyq is boıynsha tergeý amaldaryn qadaǵalap otyr. Osy oraıda túrli saraptalamalar, qajetti tergeý is-qımyldary júrgizilýde. Bul sharalardyń barlyǵy QR Bas prokýrorynyń jeke baqylaýynda ekenin atap ótken jón. Tergeý amaldary áýe sapary erejesin buzý baby boıynsha júrgizilip jatyr», - dedi ol Senattyń jalpy otyrysynan keıin tilshiler saýalyna jaýap bere otyryp.

Eske sala ketsek, QR ІІM TJK baspasóz qyzmeti buǵan deıin Qyzylorda oblysynyń Jalaǵash aýdanynda MI-8 tikushaǵy apatqa ushyraǵanyn habarlaǵan bolatyn.

Apat saldarynan tikushaq bortyndaǵy 13 adam qaza tapty.