Tikushaq apaty: Aqtóbelik Ómirhan Qaýqaevtyń otbasyna kómek beriledi
AQTÓBE. QazAqparat - Qyzylorda oblysyndaǵy tikushaq apatynan qaza bolǵandar arasynda Aqtóbe oblysynyń týmasy efreıtor Ómirhan Qaýqaev bar, dep habarlaıdy QazAqparat tilshisi.
«Qyzylorda oblysynyń Jalaǵash aýdanyndaǵy qaıǵyly oqıǵa kezinde eki aqtóbelik turǵyn qaza tapty. Olar: maıor Danııar Qońyrbaı jáne efreıtor Ómirhan Qaýqaev. Ómirhan Qaýqaevtyń týystary Mártók aýdanynyń, Mártók aýylynda turady. Ol Aqtaý qalasynyń 30153 áskerı bóliminde kelisimshart boıynsha qyzmet etken. 28 jastaǵy jigittiń bir uly bar. Oblys ákimi Ońdasyn Orazalınniń tapsyrmasyna sáıkes, qaza bolǵandardyń týǵan-týystaryna jerleý rásimin uıymdastyrýǵa jan-jaqty kómek kórsetiledi», - dep habarlady oblys ákiminiń baspasóz qyzmetinen.
Eske salaıyq, 27 naýryz kúni keshke Qyzylorda oblysynyń Jalaǵash aýdanynda MI-8 tikushaǵy apatqa ushyrady.Qorǵanys mınıstrliginiń aqparatyna sáıkes, atalǵan tikushaq Aqtaý qalasynan Shymkentke bet alǵan 4 áskerı tikushaq quramynda bolǵan. Barlyq ekıpaj múshesi - 13 adam qaza tapty.
Qorǵanys mınıstrligi qaza tapqan áskerı qyzmetshilerdiń esimderi men fotosýretterin jarııalady.
