TikTok jelisiniń negizin qalaýshy taǵy da Qytaıdyń eń baı adamy boldy
ASTANA. KAZINFORM – TikTok servısine ıelik etetin ByteDance kompanııasynyń 41 jastaǵy negizin qalaýshy Chjan Imın Qytaıdaǵy eń baı adamdar reıtınginde kósh bastady.
CNN málimetinshe, kásipkerdiń baılyǵy 2024 jyly 13,6 mıllıard dollarǵa artyp, 2025 jyldyń naýryz aıynyń sońynda 57,5 mıllıard dollardy quraǵan.
2024 jyldyń qazan aıynda Chjan Imın alǵash ret Qytaıdaǵy eń baı adam atanǵan bolatyn.
2017 jyldyń mamyr aıynda resmı iske qosylǵannan beri TikTok búkil álemde tez tanymaldylyqqa ıe bolyp, dúnıe júzindegi kóptegen jastardyń súıikti áleýmettik medıa platformasyna aınaldy.
Ekinshi orynda 56,6 mıllıard dollar kapıtalymen Tencent Holdings tehnologııalyq kompanııasynyń teń quryltaıshysy Ponı Ma (Ma Hýaten degen atpen tanymal) tur.
Úshinshi orynǵa bótelkedegi sý men alkogolsiz sýsyndar óndiretin Nongfu Spring kompanııasynyń basshysy Chjýn Shanshan jaıǵasty, onyń baılyǵy 54,1 mıllıard dollarǵa baǵalanǵan.
Aıta keteıik, Úndistandyq mıllıarder Mýkesh Ambanıdiń otbasylyq klany Bloomberg usynǵan Azııadaǵy eń baı 20 otbasy tiziminde kósh bastaǵan edi.
Sondaı-aq álemniń eń baı bes adamy Tramp ınaýgýratsııasynan beri 209 mıllıard dollar joǵaltty.