TikTok-taǵy tikeleı efırde beıádep sóz aıtqan qyzylordalyq boıjetken jazalandy
QYZYLORDA. KAZINFORM – Qyzylorda oblystyq Polıtsııa departamenti áleýmettik jelilerge monıtorıng júrgizdi.
TikTok-taǵy tikeleı efırde beıádep sóz aıtqan qyzylordalyq boıjetken jazalandy
Monıtorıng barysynda TikTok jelisindegi tikeleı efır kezinde áleýmettik jeli qoldanýshylarynyń biri birneshe márte beıádep sózder aıtyp, qoǵamdyq tártip pen ádep normalaryn buzǵanyn anyqtady.
- Tekserý nátıjesinde quqyq buzýshy Qyzylorda qalasynyń 25 jastaǵy turǵyny Aıǵanym Artyqbek ekeni belgili boldy. Sot sheshimimen ákimshilik jaýapkershilikke tartylyp, aıyppul salyndy. Polıtsııa ınternet keńistigindegi quqyqbuzýshylyqtardy anyqtaý jumysy turaqty túrde júrgiziletinin eske salady, - delingen habarlamada.
Zań talaptaryn buzǵany úshin qoldanystaǵy zańnamaǵa sáıkes jaýapkershilik kózdelgen.
Buǵan deıin Abaı oblysynda TikTok áleýmettik jelisinde tikeleı efır kezinde balaǵat sóz aıtyp, qoǵamdyq tártipti buzǵan boıjetken ákimshilik jaýapkershilikke tartylǵan edi.
