TikTok-taǵy áreketi úshin qazaqstandyq strımer psıhıkalyq densaýlyq ortalyǵyna jatqyzyldy
ASTANA. KAZINFORM — Jambyl oblysy Baızaq aýdanynyń 41 jastaǵy turǵyny Laılo Kasymova TikTok jelisinde «Altyn qyz» degen atpen tanymal. Ol tikeleı efır kezinde balaǵat sózder aıtqany úshin birneshe ret ákimshilik jaýapkershilikke tartylǵan.
Jambyl oblysy polıtsııa departamentiniń málimetinshe, strım kezinde Laılo Qasymova kámeletke tolmaǵan balalaryna da dóreki sózder aıtqan.
— Eskertý jasalǵanyna qaramastan, áıel mundaı áreketin jalǵastyra bergen, — dep habarlady tártip saqshylary.
Osydan keıin 41 jastaǵy áıel psıhıkalyq densaýlyq ortalyǵyna jatqyzyldy. Polıtsııa onyń balalarynyń turmys jaǵdaıyn da teksergen. Qazir balalar ákesiniń qaraýynda.
Aıta keteıik, buǵan deıin, TikTok-taǵy tikeleı efırde beıádep sóz aıtqan qyzylordalyq boıjetken jazalanǵanyn jazǵan edik.
