TikTok-ta qumar oıyn uıymdastyrǵan 4 qazaqstandyq sottaldy

ASTANA. QazAqparat – Almatyda TikTok-ta onlaın bás tigý arqyly qumar oıyn uıymdastyrǵandar sottaldy. QazAqparat bul týraly Qarjylyq monıtorıng agenttigine silteme jasap habarlaıdy.

Almaty soty zańsyz oıyn bıznesi salasyndaǵy quqyq buzýshylyqtar úshin 19 mln teńgeden astam asa iri mólsherde tabys tapqan 4 adamdy 4 jylǵa bas bostandyǵynan aıyrdy.

Eske salaıyq, buǵan deıin QMA Almaty qalasy boıynsha departamenti áleýmettik jelide qumar oıyn ótkizgen 2 adamnyń isin áshkerelegen bolatyn. Tergeý barysynda olar strımdar uıymdastyrý arqyly tórt aıda 13 mln teńgege jýyq tabys tapqany dáleldendi. Sot ekeýin de kináli dep tanyp, 1,5 jylǵa bas bostandyǵyn shekteýge úkim etti.