TikTok-ta betin tumshalap alyp kontent taratatyndardyń áreketi zańmen rettelýi múmkin

Mádenıet jáne aqparat mınıstri Aıda Balaeva TikTok-ta betin tumshalap alyp kontent taratatyndardyń áreketi týraly pikir bildirdi, dep habarlaıdy Kazinform.

Májilistiń jalpy otyrysynan keıin BAQ ókilderi mınıstrge áleýmettik jeli akkaýnttaryn shekteý beleń alyp jatqanyna alańdaýshylar kóp ekenin aıtyp, suraq qoıdy.

«Bizdiń mınıstrlik quzyretti organ retinde áleýmettik jelilerge monıtorıng júrgizedi. Kontentterinde zań buzý faktileri anyqtalsa, ony quqyq qorǵaý organdaryna jiberemiz. Quqyq qorǵaý organdary ol kontenttiń zańǵa qanshalyqty sáıkes ekenin anyqtap, zań buzǵany dáleldense, is qozǵaýǵa quqyqtary bar. Jyl basynan beri ár baǵyttaǵy 800-den astam zań buzý faktisi tirkeldi. Onyń ishinde pornografııalyq mazmundaǵy, esirtki taratýmen baılanysty, iritki salý, jalǵan aqparat sııaqty faktiler bar», - dedi mınıstr.

Aıda Balaeva áleýmettik jelide betin tumshalap alyp kontent taratatyn qyz-kelinshekterdiń máselesi jeke pysyqtalatynyn aıtty.

«Tumshalaný máselesi áli zańmen rettelmegen. Óıtkeni ol máseleni biz endi-endi qaraımyz. Depýtattar osy máseleni bizge saýal retinde joldady. Biz ony jan-jaqty zerdelep jatyrmyz. Bul birinshiden, ulttyq qaýipsizdik máselesi ekenin buǵan deıin de aıttym», - dedi mınıstr.