TikTok-ta balaǵat sózder aıtqan eki boıjetken 5 táýlikke qamaldy
ÓSKEMEN. KAZINFORM — Almatyda TikTok áleýmettik jelisindegi tikeleı efır kezinde balaǵat sózder aıtqan eki qyz ákimshilik jaýapkershilikke tartyldy.
Áleýmettik jelilerde eki qyzdyń tikeleı efır barysynda balaǵat sózder aıtyp otyrǵan beınejazbasy taraǵan.
Tekserý barysynda beınejazbanyń kólik bazary aýmaǵynda túsirilgeni anyqtaldy. TikTok-taǵy tikeleı efırge 19 jastaǵy Juldyzaı Muratbaeva men 21 jastaǵy Gúlmıra Qanatova qatysqan.
Osy fakti boıynsha eki qyzǵa qatysty ákimshilik quqyq buzýshylyq týraly is qozǵaldy.
Sot sheshimimen quqyq buzýshylardyń árqaısysyna bes táýlikke ákimshilik qamaqqa alý túrindegi jaza taǵaıyndaldy.
— Qoǵamdyq oryndar, onyń ishinde áleýmettik jeliler men tikeleı efırler azamattardy qoǵamdyq tártipti buzǵany úshin jaýapkershilikten bosatpaıdy. Bul jaǵdaıda quqyqqa qaıshy áreket beınejazbaǵa túsirilgen, efırge qatysýshylardyń jeke basy anyqtalyp, jınaqtalǵan materıaldar sotqa joldandy. Ákimshilik jaza túrin sot belgiledi, — dedi Almaty qalasy PD qoǵamdyq qaýipsizdik basqarmasynyń bastyǵy Tımýr Noǵaıbaev.
Polıtsııa áleýmettik jeliler jaýapkershilikten tys aımaq emes ekenin eske salady. Qoǵamdyq tártipti buzatyn jáne ákimshilik zańnama talaptaryna qaıshy keletin áreketter úshin zańda tıisti jaýapkershilik kózdelgen.
Aıta ketelik TikTok-taǵy balaǵat sóz: Shymkentte tórt bloger qamaýǵa alynǵan edi.
